Saar Janssen 2e in declamatiefinale Veldeke
Op 3 juni in Dok6 in Kepel (Panningen)
Saar Janssen waerde 2e in de declamatiefinale van Veldeke Limburg.
Op 3 juni waas de declamatiefinale van Veldeke Limburg in Kepel (Panningen). Waat 'n kanjers ware dao te zeen en te heure. Oet Zjwame dee Lonneke Leenders mit en oet Remunj-Herte, Saar Janssen. Saar waerde tweede in de laeftiedscategorie groep 3/4 mit 't gedichske 'Sjpruutjes'.
SJPRUUTJES
Bah! Ich lös gein sjpruutjes, getverderrie
Det guf bie ós allein maar herrie.
“Ze zeen gezóndj”, zaet mien mam,
Maar zelf höb ich lever ein bótterham.
Sjpruutjes zeen vies, sjpruutjes….. die sjtinke
Opaete? Behhh.... ’t Zeen erte, maar dan van die flinke.
Ich báál wie eine sjtekker,
Want die grote erte zeen gáár neet lekker.
Gelökkig höbbe veer toes eine hóndj….
Dae krieg sjtiekem mien sjpruutjes….
Blief dae ouch gezóndj!
Hans Jacobs. Remunjs: Etty Willemse-Kemp