Oos taal

Oos taal > Cursus Laeze en sjrieve

Cursus Laeze en sjrieve

Sjpraek geer al plat, maar wilt geer 't Limburgs dialek baeter lere kinne en uch de sjriefwieze ouch eige make? Sjrief uch dan in veur de Cursus “Laeze en sjrieve in ’t Limburgs”.

Limburg haet zoget óm de vief kilomaeter 'n anger dialek. Van Eijsde toet aan Mook zeen de versjille dan ouch bès groot. In deze cursus leert ederein de sjriefwieze van zien eige dialek.

Daobie waert oetgegange van de door de Raod veur ’t Limburgs en de Vereiniging Veldeke in 2003 vasgesjtèlde sjpellingsregels. De cursus besjteit oet 4 lesse. Daag, tied en plaats waere in euverlik bepaold. De köste zeen € 25,00 veur neet-leje. Leje van de krink betale € 15,00. De cursus waert gegaeve door Pierre Bakkes, de eerste Sjtreektaalfunctionaris van oos provincie.

Deilnaemers make es afsjloeting 'n “meistersjtök” in ’t dialek. Aanwiezinge daoveur waere in de lesse gegaeve. Ederein kint dan nao ’t volge van de cursus dialek laeze en is in sjtaot e sjtökske te sjrieve in ’t plat. De deilnaemers kriege dan häör certificaat aangebaoje es bewies det zie de cursus gevolg en good aafgesjlaote höbbe.

Melj uch aan via 't sikkertariaat van Veldeke Krink Remunj veldeke.remunj@ziggo.nl . En zèk ’t verder!