Web-winkel

 De portokoste kómme bie de pries van ’t book.        

  _________________________________________________________________________

Óngersjtaonde beuk zeen bie ós nog te besjtèlle door 'ne e-mail te sjture nao veldeke.remunj@ziggo.nl .

 

_____________________________________________________________________________

Veldeke Limburg besjteit dit jaor 90 jaor. Daoróm dit jubileumbook mit väöl informatie euver de gesjiedenis van Veldeke en de positie van de sjtreektaal.

Dit book is te besjtelle veur € 5,00

______________________________________________________________________________

            

Woróm dit beukske?

Óm ós prachtige dialek neet verlaore te laote gaan.Óm ouch neet-Remunjenere kinnis te laote make mit mien moderstaal.Óm ederein mit angere ouge nao oos sjoon sjtad te laote kieke.

Pries € 9,50  dit book is oetverkoch en neet meer te besjtelle. 

_____________________________________________________________________________

‘Oorlog’, Jan Bremmers (2005)

 

"Jan Bremmers haet bewus d'n oorlog mitgemaak. Dae haet dan ouch 'nen heel depen indrök achtergelaote. Daoróm is Jan Bremmers de lèste jaore dao väöl euver gaon sjrieve en det haet geresulteerd in 'n verzameling verhaole die 't laeve in d'n tied veur d'n oorlog, d'n oorlog zelf en d'n tied daonao besjrieve en 't effek van zó'n fenomeen op de miense es centraal thema haet gekrege. De verhaole sjpele zich allemaol in of róndj Remunj aaf."

Pries: € 6,50

_____________________________________________________________________________

Örges mós ich beginne’, Jan Bremmers (2001)

"Örges mós t'r beginne, nao zie pensioen, 'n bietje taam gemaak door zien vrouw mit sjrieve. Zo mer veur de labberjoeks. Waat is Jan Bremmers nog meer? 'n Oorlogskiendj. Emes dae geleerd haet good te kieke, veural nao wie de werrelt inein sjtik. Mit wantroewe en óngeluif, mer neet mit haat."

Pries: € 6,50

_____________________________________________________________________________

Bloomlaezing, Lies Cillekens (2009) 

"Dit beukske is 'n bloomlaezing mit gedachte van Lies Cillekens-Cox, gebaore in 1923, gesjtórve in 2009. De binnesjtad van Remunj en al waat dao reilt en zeilt sjteit centraal in dit werk. Lies ergert zich döks aan sjloopwerk, sjlapte, ónbenul en nieksweiterie. En det geveul sjrief Lies dan op in gedichskes, leedjes en verhaole. Ouch sjrief Lies euver de Tweede Waereldoorlog, rampjaore veur Remunj. Toet deep in häör hert haet Lies d'n oorlog doorlaef mit al zien versjrikkinge. Dit beukske is oetgegreujd toet 'n bloomlaezing, toet e bleumke tösse al die anger sjoon wèrke die al gesjreve zeen in Remunj."

Pries: € 5,-
_____________________________________________________________________________

Limburgs DOEboek (mei 2012)

"Gekke sjpelkes en geinige opdrachte. Knutsele en kleure. Gezellig en actief. Zo väölziejig en leuk is 't 100 pagina's tèllende 'Limburgs DOEboek" veur de jeug. Oos sjoon provincie sjteit centraal in dit book. Sjpelenderwies lere kienjer vanalles euver Limburg euver 't volksleed, de beeste, de cultuur en nog väöl meer. Hils se van sjpele, laeze en lache? Dan is 't Limburgs DOEboek die book!"

Pries: € 14,50

_____________________________________________________________________________

Loester 'ns, diverse auteurs

Pries: € 6,50
_____________________________________________________________________________

Ónger de Krisjtóffeltore, Lilili (2011)

"Wie in 1807 de eerste teks in Remunj gesjreve waerde, begós 'n lang traditie die toet op vandaag doorgeit. Romans, verhaole, leedjes, operettes, opera's en ganse Vastelaovesgezette waerde gesjreve in de taal die ós zo leef is. Veural ouch de Vereiniging Veldeke sjreef in häör blaad heel väöl Remunjs. Jo Hansen sjreef zó'n dieke 60 jaor geleje al in 'ne breef aan Jo Kats det t'r 'n bloomlaezing wól make oet det gans archief, det is d'r nooit van gekómme. De Stichting Lilili is 'n paar jaor geleje waal aan de sjlaag gegange en kump noe mit dit diek chronologisch euverzich van waat t'r aan humoristische, nostalgische, kritische en literair tekste gesjreve is door de luuj in de sjtad Ónger de Krisjtóffeltore; bekinde, mer ouch heel väöl ónbekinde. 'n book det ederein mót höbbe."

Pries: € 5,-
_____________________________________________________________________________

Öpke Döpke (2009, 2e drök) 

"Wie euveral, sjpele ouch Remunjse kienjer gaer. Veur de boetesjpele waas vreuger get meer plaats, mer allewiel zuut me toch nog de kienjer koekerelle, kölse, bergmenke sjpele en zo wiejer. Bie väöl sjpelkes kómme versjes en leedjes te pas. De Veldekekrink Remunj vónj 't neudig óm 'n  aantal van dees zake in 'n beukske te verzamele veur 't gebroek in en óm 't hoes en op sjool."

Pries: € 6,50
_____________________________________________________________________________

Sezoensjpegelinge, Toos Schoenmakers (1999)

"Toos Schoenmakers-Vissers is 'n sjriefster veur volwassene en veur kienjer. In Limburg is zie ein van de bekindste dichteresse. Zie sjrief veur volwassene en kienjer. Groot óngersjeid in techniek van gedichte sjrieve besjteit dao-in neet: literair wèrk mót 'ne pakkende inhalt en vorm höbbe. Det haet alle werk van Toos. Toos sjrief in prachtig Posters. Zie leut de prachtige klanke van häör taal klatere wie 'ne waterval. Riem en ritme "kump" bie häör mit 't grótste gemaak. Riem en rtime rölse euverein esof 't 'n groot sjpel is. De laezer belaef wie Toos nao dinger kiek. In dit book geit Toos mit door 't jaor en door de netuur. De teikeninge zeen gemaak door bewoners van Pepijn in Ech. Dit is Toos häör eerste book. 't Loont zich óm häör en häör werk baeter te lere kinne."

Pries: € 7,50

_____________________________________________________________________________

't Graas is nog altied aeve greun, Toos Benjamin (2004)

_____________________________________________________________________________

Verjäördaagskelenders, Veldeke Krink Remunj (1991)

'ne Prachtige kelender dae Veldeke Krink Remunj gemaak haet in samewirking mit 't Kommitee Folkoristische Kienjerfeeste Remunj. 't Geheel is aangekleid mit prachtige geknipde printe van de handj van Jantje de Jong-Brouwer

Gratis zolang d'r veurraod is
_____________________________________________________________________________

Lesbreef Vastelaovend, Veldeke Limburg (2013)

"Wie is de Vastelaovend óntsjtaon? Wie viere ze Vastelaovend in Venlo? En wie doon ze det in Remunj en Mesjtreech? Dees en väöl anger vraoge waere beantjwaord in de lesbreef "Vastelaovend same". De nuje lesbreef van Veldeke Limburg sjteit gans in 't teike van ‘Vastelaovend’. De lesbreef is bedoeld veur de basissjole in Limburg en is oetgegaeve door de kemissie Volkscultuur van Veldeke in samewèrking mit de Veldeke Krink Remunj. De lesbreef Vastelaovend same is in 't Remunjs dialek gesjreve en gif informatie euver de versjillende menere wo-op Vastelaovend gevierd waert in Limburgse sjtaej en dörpe, Vastelaovens-tradities, optochte, meziek, verkleiije en nog väöl meer."

Gratis zolang d'r veurraod is
_____________________________________________________________________________

Sjpraeke mit God, Toos Benjamin (2013) 

"In Sjpraeke mit God sjteit de miens lienrech taegeneuver God, mit zie gelouf en óngelouf, mit zien angste en zien twiefels, mit zie gelök en zie verdreet. Hae besef det t'r nieks in de handj haet en euver is geleverd aan d'n Heer, dae euver laeve en dood geit. Mit al zien foute en gebraeke, mit valle en mit opsjtaon perbeert de miens 'n compromis aan te gaon mit God in d'n haop ins d'n hemel binne te gaon."

Pries: € 14,95
_____________________________________________________________________________

Psalm I – XVI in ’t Remunjs vertaald door pater Jan Sjmeets o.s.b.'t Book is te besjtelle bie 't sikkertariaat door 'ne E-mail te sjture nao veldeke.remunj@ziggo.nl of via tillefoonnummer 0475-328484

     

Pries € 5,00 dit book is oetverkoch en neet meer te besjtelle