Oos taal

Oos taal > Vertaal hulp

Vertaal hulp

‘Whatsappe en maile op de telefoon of op e tablet’

        ‘Whatsappe en maile op de telefoon of op e tablet’

'Ne app óm eur dialek mit 'ne Apple, I-Phone of I-Pad te sjvieve. Deze app is e produk van Microsoft en in samewirking mit de Limburgse Academie óntwikkeld (https://Limburgs.org/li/toetsenbord/). Deze app is gemaak óm uch bie 't sjrieve te helpe. Wie det geit? 

1. Download de gratis app 'Swiftkey' oet de Apple of Google-store.

  2.  Kees de tale oet wo-t geer gebroek van wilt make. 't Limburgs sjteit ouch aangegaeve.

  3. Gaef in de insjtèllinge van de telefoon of 't tablet ‘SwiftKey’ es toetsebord aan en gaef
      toesjtumming veur 'volledige toegang'.

Nou,  as geer det allemaol gedaon höb, höb geer 'n sjoon insterment óm Limburgs te sjrieve. Mesjiens wirk 't get angers es det geer gewind zeet: ónger 't tiepe versjiene ónger de tèks drie veursjtèlle veur de sjpelling. Dao is ouch altied de sjpelling bie die ingetiep waert. Heel henjig is det de app al veult aankómme waat getiep geit waere. Perbeer 't maar ins............

En dan toet besjloet:

‘Sjrief geer get langere sjtökskes  in 't dialect  op de computer? Kiek dan ins nao de sjpellingchecker veur Microsoft Office op  de site van Veldeke Remunj:  http://www.veldekeremunj.nl/oos-taal/sjpellingcontrole/                   

                           Sjrieve in oos dialect waert zo toch erg gemekkelik!