'Mien eerste Wäördjes' noe te koup

Geplaatst op 19 oktober 2021

Veur opa’s en oma’s, veur pappa’s en mamma’s is de herdrök van ‘Mien eerste Wäördjes’ in good laesbaar Midde-Limburgs dialect oetgegaeve.

Dit beukske tèlt 180 korte, veerregelige, lekker loupende versjes bie wäörd oet ’t daagliks laeve van de kleintjes. ’t Beukske is gesjreve door Riky Simons-Julicher. Leny Geraedts-Simons maakde d’r prachtige teikeninge bie. Alle grootelders, omes, tantes, vrunj, leiders van peutersjpeelzale, kienjerdaagverblieve en kleuterleiders die oos dialect e werm hert toedrage, gaon dit beukske mit plezeer gebroeke. Netuurlik mit e kleintje op sjoot!

In samewirking met de Veldeke Krink Ech, de Milieu- en Heemkundevereiniging Zjwame en de Veldeke Krink Remunj is dit beukske oetgegaeve.

Dit 60 blajer tèllende beukske kós in de winkel € 12,50. E prachtig kedootje óm mit te naeme op ’n kraomvisite. Oos leje kinne ze veur € 10 koupe bie de Póppedokter in Remunj. Waal eers efkes euversjrieve op Raboraekeningnummer NL18 RABO 0131 2288 97 t.n.v. Veldeke Krink Remunj). 

Hie kint geer dees sjoon beukskes koupe:

• De kleine Tovenaar, Hoekstraat 3, 6042 KH Neel
• Bruna, Neerstraat 52A, 6041KD Remunj
• Boekhandel Boom, Neerstraat 31/A, 6041KA, Remunj
• Van Heijster Boekado, Hoogstraat 11, 6071JM Zjwame
• Wiermans Genang (De Poppendokter), Munsterplein 22, 6041 HE Remunj
• MHVS-verenigingsgebouw, Stationsstraat 15, Zjwame (allein op dinsdigmiddig)
• Leeswinkel Echt, Bovenstestraat 11, 6101 EG Ech
• Bruna, Ursulinenstraat 9, 6101DP, Ech

« Trök