Veurdrachswedsjtried veur basissjoolkienjer in de eige modertaal

Geplaatst op 6 april 2023

Op goonsdigmiddig 10 mei a.s in de Kleine Tovenaar, dus neet in Remunjse Bieb

Veurdrachswedstjried in de eige modertaal veur basissjoolleerlinge.

Op goonsdig 10 mei 2023 in de Kleine Tovenaar

Op 10 mei a.s. óm 14.30 oer a.s. waert de Remunjse veurrónj van de Limburgse declamatiewedsjried gehaje in de Kleine Tovenaar in Neel..
Deze veurdrachswedsjtried is veur de leerlinge van de groepe 3-4 , 5-6 en 7-8. 
Veurdrage in ’t dialect wilt zègke: laeze, ’t begriepe van ’ne tèks, zich inlaeve in e verhaol, dien sjtum gebroeke, lètte op toonheugte, ’t tempo en pauzes. Kienjer kriege d’r besjlis meer zelfvertroewe door. Get veurdrage is ’n gooj les veur ’t ganse laeve.
Veurdrage in de eige modertaal haet netuurlik nog meer veurdeile. Oet óngerzeuk bliek det kienjer die tweetalig opgreuje dao väöl veurdeil van höbbe op sjool. Det is good veur de concentratie en de herses mótte flot sjakele. Ouch veur ’t lere van anger tale bliek det e flink veurdeil.
Mesjiens det ouch geer meugelikhede zeet óm eige kienjer mit te laote doon?
Of mesjiens wilt opa of oma mit de kleinkienjer oefene?
Geer moog gerös zelf e gedichske make mit de (klein)kienjer. Of vraog oos beukske mit gedichskes op via veldeke.remunj@ziggo.nl. De Remunjse winnaar moog op 3 juni deilnaeme aan de grote Limburgse finale in Helje in Dok6. 

Nog vraoge? Det kint via de tillefoon (0475-508101), maar moog ouch mit de mail. 

Waal aeve opgaeve!

« Trök