Actueel

Actueel > Nuuts

Veldeke Pluum 2012 veur Harie van Buggenum †

Geplaatst op 9 november 2016

De Veldeke Pluum 2012 geit nao Harie van Buggenum.

Harie  is emes dae mit zien book ‘Zal ich dich ins get zègke’ veur de Midde-Limburgse taal van grote waerd is. Zien book is in de bookhanjel veur € 22,50 te koup. Op zaoterdaag 26 november 2011 waerde dit book  in Zjwame geprizzenteerd. In dit book stjaon zón 1728 gezègkdes in het Zjwaams dialect. Netuurlik kómme dees gezègkdes neet allein oet Zjwame. Dees gezegkdes waerde aeve good oetgesjpraoke in Remunj,  in Neel, in Vinlo en oppe Ruiver. Mit zien book wilt Harie ’t sjone Limburgse dialect, het plat, ónger de aandach bringe. Het duit hem namelik duchtig pien te mótte zeen det zien dialect neet meer euveral gesjpraoke waerd. Ingelse en Huilandse wäörd vervange wie langer wie dökker ós sjone Limburgse wäörd. Det vintj Harie doodzuunj, want hae is greujts op zien plat. In ein paar jaor tied haet hae al die gezègkdes biejein gebrach. Hae haop op dees meneer d’r veur te zörge det ouch de jeug dao later nog dankbaar gebroek van kint make. Zien book ‘Zal ich dich ins get zègke’ is oetgegaeve ónger auspiciën van de Zjwamer Milieu- en Heemkundevereniging. Harie stjeit mit zien 80 jaor neet gaer in de belangsjtelling. Hae haop aevel det zien book ein groot sukses waerd en det väöl miense, veural de jeug oet Midde-Limburg, zich op dees meneer kinne sjpegele aan häör aafkóms. En hae haop ouch det wäörd van vreuger weer ins get meer gebroek gaon waere.

« Trök