Dinsdaag 22 april 2008 waas de "eige aovend", wo-op diverse leje van de sjrieverskrink veur Midde-Limburg veurdroge oet eige wèrk.
Dit jaor prakkezeerde ’t besjtuur van de krink Remunj neet lang en haaj netuurlik emes op ’t oug dae al jaore ein dieke pluum verdeend. ’t Zol netuurlik eine echte kaerel motte zeen, nao emes van ’t zjwake gesjlach. Dit jaor, in 2008, geit de pluum nao emes dae taalsjterk is en persies, wie eine echte sjoolfrik. Nao emes dae döks mit taal bezig is en ouch waal döks oppe achtergróndj haet gesjtange. Dae miens dae dees pluum dit jaor verdeend is waal ins sjtreng veur mich. En zaet dan: “Henk doe duis waal dien bes, mer laes dien sjtökskes veur det die weg gaon nog ins heel good euver en haol die klein, altied weer dezelfde foute der dan ouch oet. Gangk toch ins bie Pierre Bakkes in de leer!” Veurig jaor vergeleek ich Yvonne get óneerbiedig mit eine Gólje Retriever. Leef luuj deze hóndj biet waal ins. Mer ’t is waal eine sjone hondj netuurlik. Emes dae veur Limburg góldj waerd is. ‘t Is emes wo veer altied van op aan kinne. ’t Is emes dae dit jaor zelf zien Pluum is gaon koupe in Alkmaar.
« Trök