RAVENSBURGER MEMORYSJPEL

Geplaatst op 30 oktober 2021

Noe mót geer flot zeen!

Memorysjpel bie ‘Mien eerste wäördjes’

Höb geer ’t zaoterdig ouch op de radio geheurd? Vanaaf maondig is naeve ’t beukske ‘Mien eerste wäördjes’ ouch e memorysjpel gemaak mit 36 versjillende setjes van twee plaetjes oet det beukske te koup.

Ze zitte in ’n sjoon blikke doos en zeen gemaak bie Ravensburger. Kwaliteit gegarandeerd!

’n Sjoon aanvölling óm mit eur kienjer of kleinkienjer same te sjpele en óngertösse lekker plat te kalle.

Veur de leje van Veldeke Remunj is ein (mer ein) sjpel te koup veur € 14,- . In de winkel gaon ze    € 17,75 koste.

Hanjel medein as geer d’r ein wilt höbbe. Dao zeen d’r mer 100 aangesjaf en veer zeen zónger reklaam d’r al zón 20 kwiet. ’t Is e ech ‘collectors-item’ en e leuk kedootje veur de feesdaag.Leje kinne bie veurrang  € 14,- euvermake op de raekening van Veldeke Remunj NL18 RABO 013 12 28 897. Vanaaf 8 november kint geer dan eur eksemplaar bie de Póppedokter op ’t Munsterplein aafhaole.

Ouch veur neet-leje zeen ze bie Plantage/Bruna oppe Neersjtraot en bie De kleine Tovenaar in Neel zeen ze te koup veur de verkouppries van € 17,75 zolang d’r veurraod is

« Trök