Web-winkel

Wie sjoon ós Limburgs is, det heur se veural es 't verpak is in 'n leedje! En dankzij de Limburgse Leedjeskelender 2026 van Veldeke höbs se edere daag 'n anger Limburgs leedje in de kóp.

Zeen d´r dan zoväöl Limburgse leedjes? Jaozeker! In oos provincie zeen de aafgeloupe decennia meer dan 10.000 leedjes oetgebrach in 't dialek, die heel väöl miense kinne. Zo zeen väöl leedjes deep verankerd in 't collectieve geheuge van Limburg en óngerdeil van de identiteit van de Provincie. Limburg bars van de sjone meziek.

Dialekvereiniging Veldeke presenteert noe 'ne sjeurkelender mit op edere dag 'n anger citaat oet ´n Limburgstalig leedje. Scan de QR-code mit diene telefoon en doe kins ´t leedje lekker zelf mitbrulle. Op väöl daag gaeve de tekste 'ne kwinksjlaag nao 't thema van dae daag. Zo kins se op De Daag van de Sjlaagroum netuurlik genete van ´Proemevlaai´ van Jansse Bagge.

De Limburgse Leedjeskelender 2026 bevat dan ouch leedjes oet de ganse provincie, sjteeds in 't plaatselike dialek. Döks zeen 't klassiekers van beveurbeeld Rowwen Heze toet Beppy Kraft, mer d'r zitte ouch relatief ónbekinde leedjes mit knappe tekste en sjone melodieje bie. De kelender kós in de winkel € 16,95 (incl. BTW). 

Veldeke Remunj teikent veur de samesjtelling van de kelender. Mer de kelender waert door gans Limburg oetgebrach. Besjtelle is ouch meugelik via info@limburgseleedjeskelender.nlnl. Dao kómme dan waal de verzendkóste nog bie.

Hiej kint geer vinje wo d'r te kriege is: www.limburgseleedjeskelender.nl

_____________________________________________________________________________

Óngersjtaonde beuk zeen bie ós nog te besjtèlle door 'ne e-mail te sjture nao info@veldekeremunj.nl .

De portokoste kómme bie de pries van ’t book.    

 

_____________________________________________________________________________

 

“Ouch det nog! What now?”, Cathy O'Kelly (2025)

Det is de titel van ’t tweetalige (Ingels / Remunjs) beukske det op 2 mei 2025  is geprizzenteerd door Veldeke Remunj tiedes ’t aafsjeid van Cathy OKelly es archiefmitwèrkster bie de gemeinte Remunj. De van oorsjpróng Ierse Cathy sjreef ’t verhaol in ’t Ingels en gaof ’t aan Veldeke Remunj óm ’t te vertale in ós plat. Ouch teikende ’t de grappige plaetjes van meneer Dinges zelf.

Sjtèl dich ‘ns veur det se lekker sjteis te doesje en det de ganse tied de bel geit. Wils se den waal of neet wete waem d’r veur dien deur sjteit. Lach mer èns lekker mit al dae pech van meneer Dinges.

Veldeke Remunj vónj ‘t sjoon óm ouch ’t oorsjprónkelik Ingelse verhaol in dit beukske op te numme en d’r ’n tweetalige oetgaaf van te make. Wo guf ’t zoget! ’t Beukske is  bedoeld óm veur te laeze aan kienjer van róndj de 6 – 7 jaor, zelf te laeze veur kienjer van 8 -9 jaor. Ajer kienjer van 10 toet 100 jaor laeze natuurlik de Ingelse versie zelf en vergelieke die mit de Remunjse.
 

Dit book is te besjtelle veur € 13,50

______________________________________________________________________________

‘Oorlog’, Jan Bremmers (2005)

 

"Jan Bremmers haet bewus d'n oorlog mitgemaak. Dae haet dan ouch 'nen heel depen indrök achtergelaote. Daoróm is Jan Bremmers de lèste jaore dao väöl euver gaon sjrieve en det haet geresulteerd in 'n verzameling verhaole die 't laeve in d'n tied veur d'n oorlog, d'n oorlog zelf en d'n tied daonao besjrieve en 't effek van zó'n fenomeen op de miense es centraal thema haet gekrege. De verhaole sjpele zich allemaol in of róndj Remunj aaf."

Pries: € 6,50

_____________________________________________________________________________

Örges mós ich beginne’, Jan Bremmers (2001)

"Örges mós t'r beginne, nao zie pensioen, 'n bietje taam gemaak door zien vrouw mit sjrieve. Zo mer veur de labberjoeks. Waat is Jan Bremmers nog meer? 'n Oorlogskiendj. Emes dae geleerd haet good te kieke, veural nao wie de werrelt inein sjtik. Mit wantroewe en óngeluif, mer neet mit haat."

Pries: € 6,50

_____________________________________________________________________________

 

_____________________________________________________________________________

Limburgs DOEboek (mei 2012)

"Gekke sjpelkes en geinige opdrachte. Knutsele en kleure. Gezellig en actief. Zo väölziejig en leuk is 't 100 pagina's tèllende 'Limburgs DOEboek" veur de jeug. Oos sjoon provincie sjteit centraal in dit book. Sjpelenderwies lere kienjer vanalles euver Limburg euver 't volksleed, de beeste, de cultuur en nog väöl meer. Hils se van sjpele, laeze en lache? Dan is 't Limburgs DOEboek die book!"

Pries: € 14,50

_____________________________________________________________________________

Loester 'ns, diverse auteurs

Pries: € 6,50
_____________________________________________________________________________
 

_____________________________________________________________________________

Öpke Döpke (2009, 2e drök) 

"Wie euveral, sjpele ouch Remunjse kienjer gaer. Veur de boetesjpele waas vreuger get meer plaats, mer allewiel zuut me toch nog de kienjer koekerelle, kölse, bergmenke sjpele en zo wiejer. Bie väöl sjpelkes kómme versjes en leedjes te pas. De Veldekekrink Remunj vónj 't neudig óm 'n  aantal van dees zake in 'n beukske te verzamele veur 't gebroek in en óm 't hoes en op sjool."

Pries: € 6,50
_____________________________________________________________________________

Sezoensjpegelinge, Toos Schoenmakers (1999)

"Toos Schoenmakers-Vissers is 'n sjriefster veur volwassene en veur kienjer. In Limburg is zie ein van de bekindste dichteresse. Zie sjrief veur volwassene en kienjer. Groot óngersjeid in techniek van gedichte sjrieve besjteit dao-in neet: literair wèrk mót 'ne pakkende inhalt en vorm höbbe. Det haet alle werk van Toos. Toos sjrief in prachtig Posters. Zie leut de prachtige klanke van häör taal klatere wie 'ne waterval. Riem en ritme "kump" bie häör mit 't grótste gemaak. Riem en rtime rölse euverein esof 't 'n groot sjpel is. De laezer belaef wie Toos nao dinger kiek. In dit book geit Toos mit door 't jaor en door de netuur. De teikeninge zeen gemaak door bewoners van Pepijn in Ech. Dit is Toos häör eerste book. 't Loont zich óm häör en häör werk baeter te lere kinne."

Pries: € 7,50

_____________________________________________________________________________

't Graas is nog altied aeve greun, Toos Benjamin (2004)

_____________________________________________________________________________

Verjäördaagskelenders, Veldeke Krink Remunj (1991)

'ne Prachtige kelender dae Veldeke Krink Remunj gemaak haet in samewirking mit 't Kommitee Folkoristische Kienjerfeeste Remunj. 't Geheel is aangekleid mit prachtige geknipde printe van de handj van Jantje de Jong-Brouwer

Gratis zolang d'r veurraod is
_____________________________________________________________________________

 

_____________________________________________________________________________

Sjpraeke mit God, Toos Benjamin (2013) 

"In Sjpraeke mit God sjteit de miens lienrech taegeneuver God, mit zie gelouf en óngelouf, mit zien angste en zien twiefels, mit zie gelök en zie verdreet. Hae besef det t'r nieks in de handj haet en euver is geleverd aan d'n Heer, dae euver laeve en dood geit. Mit al zien foute en gebraeke, mit valle en mit opsjtaon perbeert de miens 'n compromis aan te gaon mit God in d'n haop ins d'n hemel binne te gaon."

Pries: € 14,95
_____________________________________________________________________________

Psalm I – XVI in ’t Remunjs vertaald door pater Jan Sjmeets o.s.b.'t Book is te besjtelle bie 't sikkertariaat door 'ne E-mail te sjture nao veldeke.remunj@ziggo.nl of via tillefoonnummer 0475-328484

     

Pries € 5,00 dit book is oetverkoch en neet meer te besjtelle