Wie sjoon ós Limburgs is, det heur se veural es 't verpak is in 'n leedje! En dankzij de Limburgse Leedjeskelender 2026 van Veldeke höbs se edere daag 'n anger Limburgs leedje in de kóp.
Zeen d´r dan zoväöl Limburgse leedjes? Jaozeker! In oos provincie zeen de aafgeloupe decennia meer dan 10.000 leedjes oetgebrach in 't dialek, die heel väöl miense kinne. Zo zeen väöl leedjes deep verankerd in 't collectieve geheuge van Limburg en óngerdeil van de identiteit van de Provincie. Limburg bars van de sjone meziek.
Dialekvereiniging Veldeke presenteert noe 'ne sjeurkelender mit op edere dag 'n anger citaat oet ´n Limburgstalig leedje. Scan de QR-code mit diene telefoon en doe kins ´t leedje lekker zelf mitbrulle. Op väöl daag gaeve de tekste 'ne kwinksjlaag nao 't thema van dae daag. Zo kins se op De Daag van de Sjlaagroum netuurlik genete van ´Proemevlaai´ van Jansse Bagge.
Veldeke Remunj teikent veur de samesjtelling van de kelender. De primeur veur de kelender geit daoróm nao Remunj. De kómmende waeke waert t´r ouch breijer verkoch in gans Limburg. Eerder brach Veldeke Remunj al zeer populaire sjeurkelenders mit sjpreuke en gezègkdes. Mer nao 8 edities en 2.920 daag ware de sjpreuke 'n bietje op. Dus waas 't tied veur get nuuts!
De kelender waert door gans Limburg oetgebrach. De Limburgse Leedjeskelender 2026 bevat dan ouch leedjes oet de ganse provincie, sjteeds in 't plaatselike dialek. Döks zeen 't klassiekers van beveurbeeld Rowwen Heze toet Beppy Kraft, mer d'r zitte ouch relatief ónbekinde leedjes mit knappe tekste en sjone melodieje bie.
De kelender geit in de winkel € 16,95 (incl. BTW) koste.
In de gemeinte Remunj is t'r te kriege bie:
Wo d'r boete Remunj is t'r kriege, vinjt geer op www.limburgseleedjeskelender.nl
Besjtelle is meugelik via info@limburgseleedjeskelender.nl. Dao kómme dan waal de verzendkóste nog bie.
De leje van Veldeke Remunj kinne 'm gratis aafhaole bie De Póppedokter op 't Munsterplein.