Gelöksexpres zóndig 8 juni 2025
Veldeke Pluum 2011 veur Hans van Bergen
De Veldeke Krink Remunj haet besjlaote aan Hans van Bergen de Veldeke Pluum 2011 te gaeve en det gebeurde op 't Halfvastesjpektakel in 'n ram oetverkochde, sjtampvolle zaal van Aad Remunj aan de Remunjse Kepel.
De Veldeke Pluum 2011 geit nao Hans van Bergen. Hans is emes dae veur de Limburgse taal- en volkskultuur en mit name veur Remunj góldj waerd is. Hans is eine doezjendpoot. Hae hilt zich bezig mit poezie, toneel en radiodrama. Ouch sjrief hae eine kolom in ós eigese tante Bet en aaf en toe dan haolt hae op ein ónnaovolgbare meneer oet en preuve veer det hae eine echte Remunjse jóng is. Hae sjrief euver reize, vraemde kulture en zelfs euver aete. In de gezet höbbe veer kinne laeze det Hans juus truuk is oet Berlien en op zien reize gemekkelik vrunj maak. Ouch sjrief Hans de tekste veur de Uule kienjer middaag. Hans is oze eerste Remunjse sjadsdichter. Hae haet dao mit väöl kleur vorm aan gegaeve. Op al de officiële Remunjse momente is hae d’r bie en läöt hae heure wie eine Remunjse jóng oet zien hert en mit zien eige ouge nao Remunj kiek. Veer van Veldeke wille Hans neet vergaete en biezitte in oos eregalerie. Veer van Veldeke zeen det Hans zien wortels in de Limburgse taal en kultuur neet in de sjteek läöt en det hae greuts is op oos dialect.
« Trök
