Veldeke Remunj prizzenteert sjpreuke kelender op L1

Geplaatst op 30 oktober 2024

Dinsdig 29 oktober 2024 ginge Henk Giesbers en Jos Even same in alle vreugte op paad om 'live' oppe radio de Sjeurkelender 2025 aan te beje aan Maarten Bonnemaijers en Pascal Verlinden van L1.

Edere wèrkdaag trèk Maarten Bonnemaijers aan 't begin van de oetzending van de L1 Nieuwsshow óm 6 oer opnuuj 'n blaedje aaf van Veldeke's sjeurkelender mit sjpraekwäörd en gezèkdes oet groot-Remunj. 

Veldeke Krink Remunj vinjt dit 'ne geweldige promotie van ós dialek door Pascal (van oppe Ruiver) en Maarten, wo dae leste sowieso 'ne greutse en heel actieve Remunjeneer is.

Oet erkèntelikheid euverhandigde Henk en Jos häör 'n exemplaar van de Kelender 2025, wo van d'r nog inkele te koup zeen.De Sjeurkelender kint ederein koupe veur € 14,95 bie de Póppedokter op ’t Munsterplein, bie Boum in de Neersjtraot, bie de Kleine Tovenaar in Neel en bie Boekado van Heijster in Zjwame..

Sjpooi uch!

Geer kint 't interview <hie> truukkieke.

« Trök