Etty Willemse-Kemp gedecoreerd!

Geplaatst op 25 april 2025

Op 25 april 2025 waerde ’t bekind det ’t oze Keunklike Hoogheid Willem-Alexander betaamp haet óm Etty Willemse-Kemp te beneume toet lid in de Orde van Oranje Nassau.

Naeve häör jaorlange wèrk es vriewilligerscoördinator bie ‘t kèrkbesjtuur aan de Kapel in ’t Zandj, lid van de Parochieraod. Kèrkbesjtuur, sikkertaris van de Hulpgroep WMO in Remunj -Zuid en veurzitter van de Famfaar aan de Kapel in ’t Zandj had ’t ouch altied tied óm same mit Veldeke Krink Remunj sjoon planne oet te veure. En det al sinds 2005.

Etty göf momenteel ónger de noemer ‘Limburgs es tweede taal’ dialeklesse aan miense die van hoes oet gein dialek sjpraeke. Ouch óntwikkelde ze ‘n digitale lesmethode veur ‘n basissjool: "Kiek! Limburg!". Dees lesse op vriewillige basis vónje plaats nao sjooltied veur kienjer mit ‘ne neet-Nederlandse achtergróndj. Wie ’t nog wèrkte es óngerwiezeres in Remunj enthousiasmeerde ’t jaorliks ’n lichting jeug veur de Veldeke Declamatiewedsjtried. Ouch zink Etty al bienao vieftig jaor belangeloos de sjterre van de hemel in ’t Limburgs plat, ónger angere bie op Good Gelök, Les Amis du Bon Coeur, les Femmes Fortes en diverse projekkore.

​​​​​​​Al heel döks zóng ’t veur ós op Veldeke aovende. Veldeke Krink Remunj haet noojt vergaefs ’n beroop op Etty gedaon. Veer zeen ‘m dao heel erg dankbaar veur en greuts op deze sjoon erkinning van zien biedraag aan oos taal en oos cultuur.

« Trök