GPS - column van Lei Heijenrath

in 't Kirchroatsj

In d’r nuie auto zou óch e GPS weëde jeïnsjtalleerd. Jong lu hauwe ’t en woarum zouw me als auwere hinger blieve. Sjlieslieg deent d’r jemaach d’r miensj. En óch al broechs te ‘m nit bij alles, ’t kan vreks jemeklieg zieë wen-s te noa plekke móts woa-s te ieëder nog nit jeweë bis.

Zoeë Global Positioning System hant de Amerikaner oesvonge um besser tse kanne bombardere. Jans jenau kanne de coördinate de plaatsj oestsierkele woa de bom mós valle of de raket mós i-sjloa. Verentswantsieg satellieten haode de janse welt in de sjmieze en iech in miene Peugeot 307 bin noen vuur ’t Pentagon jet jans bezongesj: an interesting moving object. Alling al dat idee! Als rekruut van de Limburgse Jagers häu iech doch nit kanne dreume, dat d’r Uncle Sam nog ens in miech jeïnteresseerd zou zieë.

Iech mós dankbaar zieë, dat iech ram vuur nuus van deë enorme service jebroech darf maache. Thank you very much, American Airforce, that you are watching and serving me.

Iech han miech evvel lekker jet losse invalle, um van dat militair trauma aaf tse kómme.

Iech hauw de keus oes ing sjtem van ’ne man of van ing vrauw. Doa loog mieng kans. Alling moeët iech nog mieng vrauw uvvertsuje, dat de sjtem van ing vrauw besser tse versjtoa wuur wie die van ‘ne man. De sjtem die iech han oes-jezoeëd is van ing sjwuul depe alt, die diech ieëder van d’r jouwe waeg aafbringt wie d’róp. Wie oes d’r monk van ‘ne engel fluustert ’t miech in woa iech links, reëts of reëtdurch mós vare. Iech jef miech dan jans an ‘m uvver.

Mar doa han iech ’t nit bij jelosse. Iech vong dat mieng escort – want dat is wat het deet: miech escortere noa de jewunsjde plek – ‘ne treffende naam moeët krieje. Iech mós joa óch al ens jet tseruk teje ‘m zage. Deë naam moeët natuurlieg waal passe bij zie vuurkómme. ’t Hat lang blonde hoare, leuft óp umjekierde eiffeltoere en kleit ziech e bis-je ónansjtendieg jeraffineerd. E jeluk dat jenne ´m kan zieë, angesj wuur d’r kal onger de lu.

Iech kan mie jeluk nit óp. Het is miene sjoetsengel en mie kompas. Blingelings los iech miech durch hem mitsjlefe. ’t Bringt miech uvveral woa iech zieë wil en an d’r sjloes neumt ’t miech mit d’r vuurnaam en zeët dan dat vier doa zunt woa vier zieë wille: mie Anouschka.