Actueel

Actueel > Nuuts

Veldeke Pluum 2016 veur Frits Roumen

Geplaatst op 6 maart 2016

Op Zaoterdaag 5 meert 2016 ónger 't Halfvastesjpektakel de Pluum 2016 oet gereikt aan Frits Roumen (Alias Frits Klökske)

De Pluum van Veldeke geit dit jaor nao Frits Roumen. Frits woonde jaorelank in Braobant, wo hae ouch zien sjpäör haet verdeend. Vanaaf 2008 is hae trök in Remunj en hie wilt hae ouch gaer in 't dialek mit leedjes en vertèlselkes optraeje.

Ziene artiestenaam is Frits Klökske. Frits kiek in zien verhaole en leedjes trök op zien jeug in 't Remunjse Veldj. Dees verhaole en leedjes waere oeteindelik in e beukske vasgelag: 'n hempelke sjlók en anger vertèlselkes. In det gerenoveerde Remunjse Veldj verzorg Frits väöl róndjleijinge en hie-bie kiek hae trök op det Remunjse Veldj in de fieftiger jaore.

In de Trompetter nump hae 'ne dialekcolumn veur zien raekening en ouch zorg hae same mit Mieke Berden veur 'n paar muzikaal hoogsjtendjes. Bekind is ‘t leedje euver ’t Remunjs kunswèrk bie de Maasbrök: ‘de Meeuwe’.

Al jaore is Frits veurzitter van de jury van de jaorlikse Remunjse declamatiewedsjtried veur de jeug. Kórt gezag, Veldeke is greuts op Frits en haet in zien wiesheid besjlaote hem de 12e Pluum te gaeve. Det gebeurde in 'ne oetverkochde zaal op ’t Halfvastesjpektakel in Aad Remunj aan de Kapel in ’t Zandj.

 

 

 

 

 

 

 

 

 

 

 

 

 

 

 

 

 

« Trök