Actueel

Actueel > Nuuts

Veldeke Pluum 2010 veur Joke Linnartz.

Geplaatst op 2 februari 2016

De Veldeke Pluum 2010 geit dit jaor nao Joke Linnartz. Joke Linnartz wonend op de Dónderberg in Remunj, is veur de Limburgse taal- en volkskultuur en mit name veur Remunj góldj waerd. In die lestige Remunjse wiek is Joke 'ne trèkker.

Joke Linnartz, wonend oppe Dónderberg in Remunj is emes dae veur de Limburgse taal- en volkskultuur en mit name veur Remunj góldj waerd is. In die multiculturele Remunjse wiek is Joke eine trekker. Joke is ein vrouw, die mit alles waat ze in zich haet perbeert ein sjtök gemeinsjapszin in die wiek op te boewe. ’t Werk van Joke moog waal ins get meer gewaardeerd waere, zeker as ‘t  geit euver de intergatieperblematiek oppe Dónderberg. Op häör eige meneer wirk Joke geweun mit witte en zjwarte kienjer. Aanpakke, neet kletse, geweun doon det is de filosofie van Joke. Daobie is Joke ouch nog sjterk is in taal en sjrief väöl in ós deerbare Limburgse taal. Ouch wit Joke sjoon dinger op ein kunstzinnige meneer mit verf aan ’t dook toe te vertroewe. Joke perbeert al häör ganse laeve klein óngerdeile oet oze volkskultuur neet verlaore te laote gaon. In häör sjilderieje kump de aandach veur sjone en kleine details oet oos ómgaeving nao veure. In häor leedjes sjrief Joke euver de geweune dinger die häör opvalle óm ós haer. Sjitterende leedjes haet Joke gesjreve. Mit ’t leedje “de ganse zjiep zjaf”  sjtóng Joke op de bühne in de finale van het LVK. ’t Is ein vrouw die geweldig väöl duit veur de Bóntje Aovend Sjtichting (BAS) oppe Dónderberg. Ouch de tekste veur de Kienjer Bóntje Aovende waere veur ein groot deil door Joke bedach. Tante Joke waert dan ouch door zjwarte en witte kienjer op henj gedrage. Joke is ein vrouw mit ein enorm binjend vermoge, emes die wie ein pekske bloom tösse de miense sjteit en gemeinsjapszin oetdreug. ’t Werk van Joke moog bes waal ins get meer gewaardeerd waere. De Veldeke Krink Remunj haet dan ouch in häör wiesheid besjlaote aan Joke Linnartz de Veldeke Pluum 2010 te gaeve.

 

 

« Trök