> Nuuts

Veldeke Pluum 2009 veur Lies Cillekens †

Geplaatst op 7 januari 2019

De Veldeke Pluum 2009 geit dit jaor nao Lies Cillekens. Lies Cillekens is 'n sjriefster in ’t Remunjs. Lies is aafkómstig oet de binne-sjtad en dit deil van waereld haet häör absolute leefde. As sjriefster maak Lies in bienao al häör werk de binne-sjtad van Remunj en alles waat dao reilt en zeilt toet óngerwerp

 

Lies Cillekens is ein sjriefster in ’t Remunjs. Lies is aafkómstig oet de binne-sjtad en dit deil van de waereld haet häör absolute leefde. As sjriefster maak Lies in bienao al häör werk de binne-sjtad van Remunj en alles waat dao reilt en zeilt toet óngerwerp. Lies sjreef väöl euver de Tweede Waereldoorlog, rampjaore veur Remunj. Toet deep in häör hert haet Lies de oorlog doorlaefd mit al zien versjrikkinge. Lies ergert zich döks aan sjloopwerk, sjlapheid, ónbenul en nieksweiterie. En det geveul sjreef Lies op in gedichskes en toneelsjtökskes. Jaorelangk haet Lies ein groot deil van de tekste veur de Kienjervastelaovesrevue van d’n Uul gesjreve. Ouch sjreef Lies tekste veur de vastelaovesgezette van d’n Uul: de Zjwetskammezaol en d’n Uulewapper. Ónger de sjoelnaam “Kaainaas” oppe seniorenpagina van de Trompettor haet Lies ein vaste rubriek. In deze rubriek pak Lies alles aan waat volges häör aangepak mot waere. Altied pertie trekke veur de zjwakere in de samelaeving en altied sjrieve euver gans geweun dinger in ’t laeve. ’t Werk van Lies is noojt gedrök. De Veldeke Krink Remunj haet dan ouch in häör wiesheid besjlaote ein deil van det werk biejein te bringe en ein beukske oet te gaeve mit ein bloomlaezing van häör gedachtesjpinsels. De Veldeke Krink Remunj is Lies biezunjer dankbaar. Lies krieg dan ouch mit rech de Pluum 2009.eke Pluum 2009 veur Lies Cillekens.

 

« Trök