Actueel

Actueel > Nuuts

Speelgroep Kapel prizzenteert: 't Bliesjpel

Geplaatst op 26 september 2015

Sjpeeldata: 2, 3, 9 en 10 oktober 2015 Aanvang: 20.00 oer in 't Gemeinsjapshoes 't Sjoolpaad, Schoolpad 55a in Remunj. Entree: 9 euro Veurverkoup: Kefee Aad Remunj oppe Herkenbosscherwaeg en bie ’t Kepels winkelke oppe Kepellerlaan. Reserveren: Kaarte besjtelle vanaaf 15 september tösse 18.00 en 19.30 oer bie Gemma Vogels. Tillefoon 0475-331015 of mit de website: www.speelgroepkapel.nl.

Sins zien opname in ein Verzorgingshoes sjprik Anton gein waord meer.
Zien zjwiege en ziene ónwil óm zien hoes te verkoupe bringe zien dochter toet wanhaop. De dagelikse zorg van meneer Waayen rös op de sjouwers van zuster Sylvia. Sylvia duit dit mit väöl leefde, mer in de uig van 't hoof van de aafdeiling hilt 't zich väöls te min aan 't Zorgplan. Ziene versjtruide, euverieverige hoesdokter perbeert op allerlei (ón) meugelike menere te achterhaole woróm Anton neet sjprik.
Omdet de aafdeiling kamp mit ein perseneelstekort, zit de reklassering taxisjefäör Bert op de aafdeiling es perseunlike begeleijer van meneer Waayen. Deze Bert en Sylvia valle wie 'ne blok veur mekaar. Bert haet 'n taaksjtraof gekrege, ómdet hae mit ziene taxi eine bejaarde haet aangereje op 't zebrapaad. Hae waert mit argusuig gevolg door ziene reklasseringsambteneer. En die bliek  neet de insigste die opvallend väöl aandach veur Bert haet...!  
En dan is d'r noch de lic​h dementerende buurvrouw van Anton. Altied op zeuk ....mer zo noe en dan boetegeweun klaor van geis.
De sjpeelgroep wins uch väöl plezeer bie de veursjtelling mit de neudige konsternasie en humor, mer aaf en toe zólt geer ouch get óntreurd zeen.



 


 

 

 

 

« Trök