Actueel

Actueel > Nuuts

Sjeurkelender 2021

Geplaatst op 25 augustus 2020

Sjeurkelender 2021 aangebaoje aan docente basissjool 'de Sjteine Brök'

Op zaoterdig 4 juli 2020 is door veurzitter, Henk Giesbers, de veerde sjeurkelender mit sjpreuke en gezèkdes oet Groot Remunj (Herte-Neel-Remunj-Zjwame) aangebaoje aan Petra Wasserman, docente aan basissjool 'de Sjteine Brök'. Petra kreeg dit eerste eksemplaar ómdet het op sjool in de klas sjpreuke en gezèkdes oet de kelender behanjelt en op dees meneer de leerlinge leut preuve aan oos sjone dialect.  

In deze kelender vinjt geer, get name van plaatse óm ós haer, naeve nog get sjeldjwäörd die ós sjpontaan door versjillende miense zeen aangereik. Ouch höbbe veer veur uch dit jaor get drenkskes en e täötje sjlók. De teikening op de ómsjlaag van de kelender is gemaak door de Remunjse kunsteneer Gerard Nizet.

De Sjeurkelender is te koup bie de Póppedokter op ’t Munsterplein, bie de Plantage Bookhanjel in de Neersjtraot, Bie Bookhanjel Boom in de Neersjtraot, Bie Primera in Neel, bie de Kleine Tovenaar in Neel en bie Boekhanjel van Heijster in Zjwame.

Dit sjoon kedootje kos € 13,50.
Veldeke leje kinne de kelender koupe bie de póppedokter en kriege € 3,50 korting.

« Trök
Sjeurkelender 2021