Groot Remunjse Sjeurkelender aangebaoje aan Marlou Jacobs

Groot Remunjse Sjeurkelender aangebaoje aan Marlou Jacobs > Nuuts

Prizzentasie ‘Mien eerste Wäördjes’

Geplaatst op 5 oktober 2021

Vriedig 15 oktober in de Kleine Tovenaar in Neel óm 10 oer

Vriedig 15 oktober in de Kleine Tovenaar in Neel

Óm 10 oer

Prizzentasie 'Mien eerste Wäördjes'

Veur opa’s en oma’s, veur pappa’s en mamma’s waert de herdrök van  ‘Mien eerste Wäördjes’ in good laesbaar Midde-Limburgs dialect oetgegaeve.
Dit beukske tèlt 180 korte, veerregelige, lekker loupende versjes bie wäörd oet ’t daagliks laeve van de kleintjes. ’t Beukske is gesjreve door Riky Simons-Julicher en Leny Geraedts-Simons maakde d’r prachtige teikeninge bie. Alle grootelders, omes, tantes, vrunj, leiders van peutersjpeelzale, kienjerdaagverblieve en kleuterleiders die oos dialect e werm hert toedrage, gaon dit beukske mit plezeer gebroeke. Netuurlik mit e kleintje op sjoot!
In samewirking met de Veldeke Krink Ech, de Milieu- en Heemkundevereiniging Zjwame en de Veldeke Krink Remunj waert dit beukske oetgegaeve. Dit 60 blajer tèllende beukske geit in de winkel € 12,50 koste en veur oos leje € 10,00 (euversjrieve op Raboraekeningnummer NL18 RABO 0131 2288 97 t.n.v. Veldeke Krink Remunj). Vanaaf 1 november aaf te haole bie de Póppedokter.

E prachtig kedootje óm mit te naeme op ’n kraomvisite.

Waem bie de prizzentasie aanwezig wilt zeen moog gerös kómme!

« Trök