NUUJJAORSDRUIM, e sjoon gedich van Paul Caquelein

Geplaatst op 7 januari 2021

druime euver 't nuje jaor zónger besjmettingsgevaor

nuujjaorsdruim

druime euver ’t nuuje jaor
zónger besjmettingsgevaor

Mark Rutte leet ós mit rös
d’r moog waere geknoeveld en gekös
miense in ’t ganse landj
gaeve zich weer ein handj 

’t is gedaon
mit dae óngerhalve maeter
eine erm óm emes sjlaon
veult toch sjtökke baeter

de vriejheid die ós waar ontnómme
is gelökkig trök gekómme
demasqué alaaf!
móndjkepkes moge aaf

Efkes wachte, ’t doert nog aeve
det-ver weer ‘normaal’ kinne laeve
kans op Corona, eindelik veurbiej
nao det sjpuitje, zeen-ver weer vriej

Ool 29 december 2020
Paul Caquelein

« Trök