In memoriam Anneke Huiskens
Op 4 april 2020 krege veer ’t dreuvig berich det oze sikkertaris Anneke Huiskens waas gesjtórve.
Det waas toch waal ónverwachs. Veer wiste allemaol det de gezóndjheid van Anneke de lèste jaore zjwaor te winse euver leet. Door ’n aaneinsjakeling van kómplikasies nao ’n operatie höbbe veer oze troewe sikkertaris verlaore.
Anneke haet zich altied op ’n bezónjer meneer ingezat veur Veldeke. Óndanks zien kónstante pien bleef ’t oos sikkertariaat mit gans zien hert behere. Nemes kwaam ’m dao-aan. Altied wirkend vanoet e groot plichsbesef. Ofsjoon Anneke ’ne 'Hollandse' achtergróndj had, maakde het zich de Remunjse taal en cultuur eige. 12 Jaor is het lid gewaes van ’t besjtuur van de Veldeke-Krink Remunj. Veer zeen ’m dankbaar veur alles waat ’t veur ós haet beteikend en winse zien femielie en zien kleinkienjer heel väöl krach óm dit verluus e plaetske te gaeve
Bestuur Veldeke Krink Remunj.
« Trök