Actueel

Actueel > Nuuts

100 daag drök, 100 nuje gedichte van Lisa Naus

Geplaatst op 20 november 2020

’t Begint met ein gedachte, die oetgreuit toet ‘n aaneingeslaote reeks van 100 gedichte in ‘t dialek, door Lisa Naus op Facebook geplaats tiedes de lockdown van 17 maart toet en mèt 24 juni 2020.

Geweun, óm ’s morges ederein ‘n hart ónger de reem te sjtaeke. En det is zeker gelök, gezeen de väöle positieve reacties die ‘t kreeg, plus ‘t verzeuk de gedichte te bunjele, es ‘n saort tiedsdocument van ‘ne heftige periode.

Mer die periode is nog niet veurbie. Väöl mense zeen op taege de lange winjter en haope op leech ane de horizon. Lisa beejt mèt dit beukske ’ne ganse rie van korte, laesbare sjtökskes aan die de luuj doon glimlache, treuste, vertedere en ontroere – edere daag weer! Gesjreve in de taal van de regio rake de tekste metein aan ‘t gevoel. Mèt óngersjteuning van o.a. Veldeke Limburg en Veldeke Remunj is Lisa’s derde gedichtebunjel ‘n handzaam beukske gewore, met ‘n kleurig, pakkend oeterlijk en binne-in ouch inkele teikeninge ter illustratie.

Daoróm gaon veer oos leje ouch dit book aanbeje taege eine gans aantrèkkelike pries van € 5,00. Al oos leje moge d’r ein besjtèlle, door € 5,00 euver te sjrieve op ’t Rabobanknummer van Veldeke Remunj: NL18 RABO 013 12 28 897. Toet 1 december moge oos leje det doon, danao kump ouch dit book in de winkels te ligke veur € 10,00. Oos leje kriege van ós e berichske vanaaf wanneer 100 Daag Drök is aaf te haole bie de Póppedokter op ’t Munsterplein. 

‘100 DAAG DRÖK’  is vanaaf 1 december a.s. verkriegbaar bie kantoorbookhanjel Van Heijster in Zjwame, Bookhuis De Kleine Tovenaar in Neel (Remunj) en in Remunj bie de Plantage Bookhanjel en bij bookhanjel Boom, allebei ane Neerstraat.

Meer informatie: www.lisanaus.nl 

« Trök
100 daag drök, 100 nuje gedichte van Lisa Naus