Aktiviteit op 14 oktober 2024
Veur opa’s en oma’s, veur pappa’s en mamma’s waert ‘Mien eerste Wäördjes’ in good laesbaar Midde-Limburgs dialect oetgegaeve.
Dit beukske tèlt 180 korte, veerregelige, lekker loupende versjes bie wäörd oet ’t daagliks laeve van de kleintjes. ’t Beukske is gesjreve door Riky Simons-Julicher en Leny Geraedts-Simons maakde d’r prachtige teikeninge bie. Alle grootelders, omes, tantes, vrunj, leiders van peutersjpeelzale, kienjerdaagverblieve en kleuterleiders die oos dialect e werm hert toedrage, gaon dit beukske mit plezeer gebroeke. Netuurlik mit e kleintje op sjoot!
In samewirking met de Veldeke Krink Ech, de Milieu- en Heemkundevereiniging Zjwame en de Veldeke Krink Remunj waert dit beukske oetgegaeve. Dit 60 blajer tèllende beukske geit in de winkel € 12,50 koste en veur oos leje € 10,00 (euversjrieve op Raboraekeningnummer NL18 RABO 0131 2288 97 t.n.v. Veldeke Krink Remunj). Vanaaf 1 november aaf te haole bie de Póppedokter.
E prachtig kedootje óm mit te naeme op ’n kraomvisite.
Waem bie de prizzentatie aanwezig wilt zeen moog gerös kómme! Óm 10:00oer