Actueel

Actueel > Aktiviteite

Aktiviteite 2018

Aktiviteite 2018

Aktiviteit op 31 december 2019

AKTIVITEITE 2018

Zóndaag 21 januari 2018 Festival Sjiek:
Eine ganse daag zangk, meziek en Limburgs dialect in de ECI. De antree is graties.

Vriedaag 2 februari 2018 ’n diploma oetreiking.
14 Deilnaemers aan de Laes- en Sjrief-cursus veur beginners kriege häör oorkonde oetgereik.
Pierre Bakkes is de cursusleider.

Dinsdaag 6 februari 2018 de algemein lejevergadering in Kefee-Zaal Aad Remunj. 
Dhr. Chris Vries prizzenteert ’n dia veursjtelling euver 4 sezoene in ’t daal van de Zjwaam.

Maondaag 18 februari 2018 eine oproop:
‘waem veult d’r get veur óm edere maondj ’n sjtökske veur al de Gilsing-blaedjes (wie ’t Neelder Nuuts en ’t Roggels Blaedje) te sjrieve?’
De Sjrieverskrink Midden-Limburg geit dees taak op zich naeme.

Goonsdaag 21 februari 2018 Modertaal: 
de column Modertaal van Frits Criens waert neet meer in ’t ‘Daagblaad de Limburger’ geplaatsFrits Criens leut det neet op zitte. Op zien eige website, www.fritscriens.com,  kint ederein deze column noe waekeliks laeze.

Vriedaag 23 en zaoterdaag 24 maart 2018 toneel middaag/aovend in Grathem:
‘tante Tina’s Beautysalon’. De pries van ’n kaertje is € 8,00 p.p.

Zaoterdaag 10 meert 2018 ’t Halfvastesjpektakel:
veur zien biedraag aan de Limburgse taal- en kultuur, maar veural veur zien column ‘Modertaal’ krieg Frits Criens de Veldeke Pluum 2018 oetgereik.

Goonsdaag 11 april 2018 de veur-rónj van de declamatiewedsjtried veur de  
jeug.

Deze wedsjtried waerde gehaje in de Remunjse Bieb. De winnaars gaon
nao de finale in Kepel (Panningen)in Dok6.    

Zaoterdaag 26 mei 2018 de Limburgse finale van de declamatiewedsjtried.
Vanoet de Krink Remunj doon 4 kienjer mit: Noa Zanders, Noa Lempens, Sofie Zeegers en Sara Cox. Sofie Zeegers van basissjool ‘de Sjtapsjtein’ wint de tweede pries mit ’t gedichske ‘’t Heurapparaat’.

Zóndaag 3 juni 2018 de littérair wanjeling mit Guus Rüsing.
De wanjeling waert aevel aafgelas. Guus is krank. De leje van Veldeke Remunj kómme toch nieks tekort. Ze kinne deilnaeme aan versjillende aktiviteite in Remunj: in de Munsterkirk ’n róndjleijing en ’n film, ‘veer kirke ein verhaol’, op de Mert in Remunj ‘de Taptoe’, de balkónconcerte ‘Remunj Aad mit Jónk’ en de ekspositie Arts & Crafts op de Sjwamaekerssjtraot.

Dónderdaag 30 augustus 2018 de prizzentasie van de Sjeurkelender 2018.
De wethajer van kultuur van de gemeinte Remunj, dhr. F. Pleyte, krieg ’t eerste eksemplaar aangebaoje. De verkoup kint dan gaon beginne. 

Dónderdaag 27 september 2018 ’ne naozomer-aovend in Aad Remunj. 
Ruud Verhoeven leut Franse chansons in ’t dialect heure en Stefanie Ramachers gif ’n laezing euver toonheugte-versjille in ’t Limburgs dialect. De kienjer van basissjool ‘de Sjtapsjtein’ die mitgedaon höbbe aan de finale van de declamatiewedsjtried 2018 drage häör gedichske nog ins veur.

Vriedaag 19, zaoterdaag 20, vriedaag 26 en zaoterdaag 27 oktober 2018 bringk de Sjpeelgroep Kapel ’t sjtök ‘Mötse’.
De kaertjes koste € 10,00.

Vriedaag 26 oktober 2018 diploma oetreiking.
Veur de 2e keer dit jaor waere oorkondes oetgereik. Noe aan 10 miense van se Seniore-vereinging Kapel die zeen gesjlaag veur de Beginnerscursus Laeze en Sjrieve. Pierre Bakkes is de cursusleider.

Zaoterdaag 27 oktober 2018 de Kwis Nach in same-wirking mit Chantal Mulders.
Get gans nuuts, ’n echte pub-quiz mit vraoge in e Veldeke jeske.

Vriedaag 30 november 2018 eine wintjer-aovend in Kefee-Zaal de Sjter in Neel.
De Sjpeelgroep Kapel bringk de einakter ‘Leefdesbreve’ en ’t Sjmartlappekoor ‘Óm te Zumpe’ oet Baoksem verzörgt ’t muzikaal gedeilte. Óm de traone aaf te vaege krieg ederein ‘ne zakdook mit ’n ech Veldeke-Remunj logo.

Zaoterdaag 1 december 2018 de oetreiking van de Veldeke Pluum in Kefee- Zaal Aad Remunj: Henk en Annelies Mulders kriege veur häör verdeenste de Pluum van Veldeke-Remunj aangebaoje.

« Meer aktiviteite