Natuurwanjeling van de Natuurhistorische Vereniging (18 juni 2011)
ouch väör leje van Veldeke en de Heemkundekrink.
Op zaoterdig 18 juni 2011 organiseertj de Natuurhistorische Vereniging “Pepijnsland” weer ’n wanjeling. In het kader van de samewirking is die bestömdj väör eige leje, mer tegeliek de leje vanne zöstervereniginge. Veldeke leje zeen dus ouch van herte oetgenuuedigdj tót deilname.
Deze kieër weurtj ’t gebied “de Sjroevendaalse Plas” bie Ohé en Laak bezóchtj. Aoj baggergate, die intösse zeen oetgegreujd tót ’n ech natuurgebied.
Es g’r van natuur haotj is ’t aanbevaole mit te loupe. G’r mótj den waal ’n bietje good t’r bein zeen en wanjelsjoon zeen aanbevaole. De óngerwiezer/bioloog Jan Hermans oet Lin zal ónger ’t wanjele oetlèk gaeve, äover ’t gebied, de plantje en de dere die dao väörkómme en äöver ’t beheer.
Vertrèkke óm 09.30 oer vanaaf ’t voetbalveldj oppe Laak.