Gedicht Peter Kleuters
DE KROEDWUSJ
Veldjbloome kluure midzoeëmer ut veldj,
ut sjoeënste boeket kost unne wanjelaer geen geldj
de boêr kent koarebloome en klaproêze neet lieje
om mer te sjwiege va alverdrief, haanepoeët of wilj wieje.
Vuur mennig boêr
woar ut unee hiele toêr
om zien veldj te regaere
en alle on-kroêt te waere
ongeciefer, onkroët?
Onmiensj, och erme kloët!
Wat is noe nog sjchoender op de kuuekedusj
es bloome bijeengezeumerd tot unne wusj
die zich in graaf of veldj presentere es un broêt
Rondj kroeëtwiën woert ut veldj aafgestrupt
en woert deeh poês mit wit lintj biejeengeknupt
Dé kroetwusj hauw un sjpeciaal compezisie volges un oerauw wet
later verbasterd mit bontje bloome oet eege hòf : unne allegaear mit van alles get.
Mit aels, avroon, balsem, hommelkroeet, reenvaaërt en biejvooët
en get aore van terf en koare woar der gooëd¹
hauwste diene kruutwusj zoee biejeen vergaard
dan keem dus nieks oet eege hoaf of gaard
Om de Kroeëtwusj gooëd in te wiêje
Zoot ste op kroeètwiên in de iesjte kirkeriêje
Mit get geleuëf en mit unne wusj mit de volle zaege
koes ste u gans jaor uuëveral weer taege:
op ut forneus verbrent hilt de zjwaam ut onwèhr taege
in ut veldj geplant waor ut vuuer unne nuuëje ooags un zaege
waor ut vieë neet gezondj en oogde ut krank,
las van wurm of nerf of leepste mank,
dan hauws ste de biste midiciëen
en maaldes ste diej blaedjes fieën.
Milkfiever of koliek biej kuij die graasde op klieë of reube
dan hoofs ste alleen ut lintj mer om ut koowslieëf te kneupe
Biej ut zieje woert doêr de boêre oet de oare
get zoad genomme van de terf of ut koare
Ut gebroeëk is neet mieër van dizze tiêd,
mer wil ver dees tradizie ech waal kwiêt?
ver geleuve mieër in pille en apethekersdrenkskes
en weete alles bèter, van ut internet, uuëver krenkdes.
Bij mich hink ummer nog irges in de boeët
unne kruutwusj; ooch al is ter huujtzendaags oeët!
Peter Kleuters, Merkelbèks