Gedicht John Bovendeert

gier 

gedrieëve um te goa, oet 't kómme geboare

durch sjteë, langs dörper, grind toervelt mit in dwank,

zeuk ich in troebel sjtreum noa 't woare, 't kloare,

noa 't sjoeëne va mie aageoamde lank

't kroed i gen bende sjtil ich, esóg 't vieë

ich sjpegel wólke, beum kiep ich um

en vlui oetintelig noa miene sjoeët, in zieë

mè, loester, 't zit vöal vruid in 't roesje van mien sjtum:

gier bieënt eur sjproak in al mien deepdes

gier deupt eur klanke in mie tienkele water

gier sjrieft mich neer in e verhoal, in e gedich

me leust mich en me draagt mich vuur

ich bin, in dank, mich dees verbóngeheed bewus

zoeëdat ich wier sjtreume kan, in alle rus

john bovendeert, 10 september 2010